ابیات ابوذیه عن لسان الشاعر سمیر عباس الیاسری الدیراوی( 1 )
شفت جیت عمامی إو گلت یاسر
اوجسمی دوم لل خوان یاسر
سمیر انه ابن عباس یاسر
ا محیسن ولحموله دیراویه.
############
اشکثر چنت افتخر بسمک ونادای
اوعلی قیم السمه چلچل ونادای
تعیش انته ابفرح یسمر ونادای
ابسبب فرگاک صار اهموم بیه .
################
هلن یا عیونی دمع صبن
عله المجروح گلبا ابسهم. صبن
اسهام الدهر ابلب احشای صبن
بقت روحي العلیله اتحن علیه
################
صبح اکلف الم بل جسم یاصاح
إو حنین الموت لل دلال یاصاح
اشکثر مهیوب ایصیر البشر یاصاح
ابصداقا إو طیب یفخر للمنیه .
#################
تدور الروح ماتلگا دو الهه
مشت وبراس دلالی دو الهه
احباب العافتک گلبی دو الهه
ا ترکهه اوخل سعیر النار بیه .
################
طریق الشوق مایملک نهایه
وحب امسح دمع عینچ نهایه
نهبت الگلب مایقبل نهایه
یگلی نهوتک عمت علیه
#############
یگلبی حیل للزینین ... ونحیل ...
اوجسمی ذاب للخوان ... ونحیل
یا وسفه شملنه انفتل ... ونحیل
او بگا طشار منه ابکل نوییه ..
################
صبر ما ضل بعد عندی .. ولارای
او زود البحر ما همنی .. ولارای
انه الچنت الی چلمه ... ولارای
ترید اخذ نظر من الرعیه .
##############
اهالی الشوق شط الشوق عبرت
وخذت امنل زمان اشکثر عبرت
الف ونه ابدلیلی إو الف عبرت
إو الف تنته تجی ابیوم المنیه.
#################
سرا دهری علیه اب الم ماهاد
الوجن لوج طفل الفگد ماهاد
اشوف اعدای دارت وخوی ماهاد
لچم جرحی اوبقت آلام بیه .
###############
هملن یا عیونی ابندم هلن
اوبل یجری علینه ابفخر هلن
وکت عسری النوایب علی هلن
اقابل ولیصیر ایصیر بیه .
##############
هله ابیوسف یشد الحیل بل حیل
إو رسول البل ظناقم شرک بل حیل
عادل ذخر لل کلفات بل حیل
اهالی الدیر بیهم کل وفیه.
###############
ابدلیلی اسهام هجر المحب ماظن
وبچتلی احباب گلبی الیوم ماظن
ماظن ترجع ال ایام ماظن
وعاتبهم عله الی صار بیه .
##############
تلوج الروح وتعالج وکتهه
افراگ الزین شل حالی وکتهه
اشمرید اوگف دمع عینی وکتهه
علیکم یل مشیتو ابلا وصیه
###############
اشمعنه المای یصعد گام علوای
وشمعنه الگاع لل یندفن علوای
نخیت الله وبو الحسنین علوای
یزیل اهموم گلبی ابهل دنیه.
###############
أحب اتصیر یمنه ودیانه
رسایل شوگ الکم ودیانه
الفخر لل قدر الخوا ودیانه
أوبعدهم یرکع الرب البریه .
############
ابد ماظل حمل عل گاع منشال
أسهم الهجر بلدلال منشال
ماهمنی. .. من یمی منشال
اهمن بل وفی راح امندیه.
#############
عسه دوم الفرح یا زین طبلاک
اوعسه دوم الوکت ینگظی طبلاک
عله عودک طربت اوعله طبلاک
اغنی ابشوگ کل صبح إو مسیه .
##################
یجری اعله الدلیل امشیت وسریت
إو یگلبی المایمرک فرح وسریت
احترگ چانون گلبی ابجفه وسریت
اعله حبکم یل گطعتو الوصل بیه
##################
ا عجزت لا ظل علیه صبر لامال
إو حمل المایمیل الیوم لامال
انه الما ظیج من الیجی لامال
أمل بس من یمر شامت علیه .
################
تعیش انته ابفرح یسمر ونادای
اشعجب ماینسمع صوتی ونادای
الهجر قیم السمه صبح ونادای
السبب انتم گطعتو الوصل بیه .
#################
شداوی یاجرح یا الم یادای
اصیح ابصوت راح الیوم یادای
گبل بل فرح مملی چان یادای
إو هسه العسر بس یمطر علیه
(((((((((((((())))))))))))))
موقع اهل الدیر لوا البوحسن